28.11.09

琴日係婆婆80大壽..緊係要出去食飯啦..!

晏晝出左去cwb..諗住同表妹唱k.. 不過最後都冇唱..

同左表妹表弟&表弟fd食野...

好耐都未近過d咁年輕既人..哈哈..  表弟狂攪gag/.

不過都幾好笑既.. !  唔通呢個年紀既都係咁.. 不過咁幾開心丫..

仲可以玩..冇咩煩惱..!   之後同表妹行左陣..

就返左表妹屋企..  佢搬出黎後我第一次去..

都唔錯丫..  傾下計.. 我好佩服表妹咁有毅力..咁捱得..

到夜晚就落去食飯lu..  見到好多親戚呀..  有d我真係唔知邊個..= =

食飯前又影下相..影合照啦... 咁齊人..

張合照好似我地10年前影果張咁..好想拎黎對照下. ! 

婆婆好開心呀.. 仲戴住隻靚靚戒指.. @@

我地唱生日歌比佢聽.. 點知連嘟嘟b都唱埋一份..好攪笑呀..

狗仔真係好識哄人..  舅父話佢都好開心..所以係咁吠..  哈..high左..

真係過年都冇咁齊人.. 下次聚首一堂都唔知幾時lu..  希望好快啦..!

11月25日

畢業lu..  3年既時間過得真係快..呢排成日都諗返起我地岩岩入學..

岩岩識既時候..  好攪笑..  果陣大家都仲細.. 反而夠膽主動去識朋友..

但係而家好似餚哂底咁..whywhywhy??? 哈哈..

好懷念返學既日子呀..好開心..雖然有時上堂好悶..

但係我地自娛..自得其樂..haha    以前食大家樂食到唔想食..

而家反而想返返去食..  好似上2星期..有得食..好開心.. 

今朝一早..就去到會展..  已經有好多人係到影緊相.. 

之後入場..開始..  其實都真係幾悶下..   但係比想像中快左..

完左又成群人咁湧出去金紫荊..  影相..  背景就係周圍既人..

我諗我都做埋人背景..  真係冇咩位影..!

但係玩得好開心.. 係咁影.. 成日走去攝人鏡  好好玩.. 

又好開心咁見到wincy..即時擁抱..  miss u!

影完去食飯lu..  但係我對腳已經超痛..因為著左對高跟鞋..

我都係唔適合著..好辛苦.. ><   好唔慣..

今日最驚喜..都係見到阿楚著高跟鞋..雖然著左陣..不過平時根本唔會見到..

仲有winnie同elsa..好難得會見到佢地咁著嫁...hahahaha

*今個星期都好凍呀..  但係好正..  !  不過係d咁凍冰冰既天氣..

我竟然要比平時更早起身.. 唉.. 好想訓晏d呀..!!! 

事緣今個星期...連續遲左2日到..仲要遲好多下.. 我決定搭早一班車..

明明搭開都唔會遲嫁嘛..做咩呢排係咁塞車...

搭早一班..我就早左好多返到去..= =   吹漲.. ~~~

*琴日下晝..  我果team有份版係水晶錶..竟然唔見左..!!!

份版係我log嫁..但係我冇數版..不過其實我未驚過.. 都冇人懷疑我..

只係搵左好耐..d老細又好緊張咁..隻錶仲要真野黎.. 

之後又好似差人落口供咁..店過份版既人都要去老細到..逐個講..

好攪笑我覺得..  佢又真係抄低d時間地點人物嫁啵.. 

之後攪攪下... 好似成間公司都知咁..其他lab都知哂.. 

睇埋閉路都唔知究竟隻錶去左邊..   !!! 

到今朝..  突然又搵返..   好彩咋..  不過件事其實有d怪..

但係搵返就算..  !!!   而家一做錶就好似好緊張咁.. 哈哈..

琴日未搵返隻錶..又黎多2份錶..  咁應景..!!

琴日好開心呀.. 一朝早就返左去學校..拎件袍..  咁岩學校又open day

所以好多人.. 又見返d同學仔..又見返d阿sir.. 又可以周圍走..

去返我地既rm 123..同阿sir傾左陣.. 之後又去左236.. 嘩..

一入去係即刻嘩左聲.. 靚左勁多呀.. 同以前簡直係2個地方. !!!@@

如果以前係咁..上堂應該會開心好多..哈哈哈..

我地走左之後..周圍都變靚哂..仲同阿sir傾相機..

阿sir簡直係相機發燒友..教左我地好多點樣可以映得靚d呀咁..

好開心...又同大家影相..  好似返返以前返學咁.. !

好懷念呀..  而家好想快d到畢業禮..又可以聚埋一齊喇..!  ^^

呢幾日我發覺d巴士慢左..  自從果單車禍之後就開慢左..!

都岩既..我寧願晏d返到屋企都好過佢開咁快..  好似上次我搭果架..

我坐近車頭既位..勁恐怖..個司機好快..係咁超過其他車..

好快就返到屯門.. !  痴線嫁..巴士呀..揸跑車咩..!!!

-------------------------------------------------------------------------

呢排做野..我好似賴多左野..但係多得有eva.. 成日都幫我攪店

我又成日問佢野..佢又成日幫我..又幫我問野..問lab.  真係好多謝佢..

我又覺得唔好意思啵..又覺得自己好煩..  但係佢真係好好人.. 

我幾時先可以好似佢識咁多..! 

仲有呀..而家成日拎飯既時候..個爐好熱..有個姨姨都好好人..

成日都問邊個係我嫁..之後就幫我拎..  可能佢見我雞手鴨腳咁..哈哈..

點解d媽媽級好似完全唔覺得熱咁勁既..!  媽媽係唔同d  @@

出黎做野都可以遇到呢d好人..我都要學劉三好咁..[ 說好話 存好心 做好事]

嘻嘻嘻..!   我呢排狂追..一遲左放工..佢地就會話我睇唔切[ 宮心計]  哈哈